Томороон тымныы биир кэрэ-бэлиэ күнүгэр Ураһалаахха олохтоох автор, мелодист Мария Константиновна Стручкова төрөөбүтэ 60 сылын кэриэстээн, куйаар ситимин нөҥүө улуустааҕы «Ыллана туруоҕа мин ырыам…» ырыа күрэҕин көрүүтэ ыытылынна.
Арассыыйаҕа дьиэ кэргэн сылын чэрчитинэн ыытыллыбыт ырыа күрэҕэр улуус ылбаҕай 6 ырыаһыттара кыттыннылар. Күрэх түмүгүнэн «Кылаан кыайыылааҕынан» Лия Слепцова ааттанна (Кэбэргэнэ, сал. Матрена Рязанская). «Маҥнайгы үрдэл» аатын Диана Дохунаева сүктэ (Уолбут, сал. Екатерина Никитина). «Маҥнайгы үктэл» — Карина Слепцова (Ураһалаах, сал. Ирина Борзова). «Көмүс куолас» аат Изольда Атласоваҕа иҥэрилиннэ.
Хас биирдии кыттааччыга сыаналаах бириистэр туттарыллаллар.
— Анал бириис Мария Константиновна тапталлаах кыыһыттан Дашенькаттан Изольда Атласоваҕа ананна.
— Олохтоох дьаһалта баһылыгыттан Майя Нориковна Шкулеваттан анал бириис Абый нэһилиэгин кыттааччытыгар Лариса Бержноваҕа барар.
— Саха сирин мелодистарын ассоциациятын чилиэнэ Октябрь Садовников устубут кэнсиэрин Илья Стручков, Александра Заровняева флешкаҕа оҥотторон, анал бириис туруордулар. Кэнсиэргэ Мария Константиновна «Маҥнайгы тапталбар» ырыатынан 1995 с. «Сыл бастыҥ ырыата» куонкуруска бастаабыта уһуллубут.
— Анал бириистэри Мария Константиновна оскуолаҕа бииргэ үөрэммит доҕотторо туруордулар.
— Софрон Соломов тылыгар «Кыталыктар» ырыаны ыллаабыт Уолбут нэһилиэгиттэн Диана Дохунаеваҕа Софрон Соломов сиэнэ Софрон уонна Ирина Соломовтар бэйэлэрин анал бириистэрин «Алтан Кыталыктар» сахалыы ытарҕаны туттараллар.
— Мария Константиновна биир идэлээҕин, дьүөгэтин Оксана Бережнова кыыһыттан Ольга Бережноваттан (Степановаттан) анал бириис Дария Алексееваҕа ананна.
Хас биирдии кыттааччыга сыаналаах бириистэр, анал ааттар, кыттыы иһин туоһу суруктар уонна өйдөбүнньүк бэлиэлэр туттарыллаллар.
Ырыа күрэҕин көрөн-истэн, дьүүллээтилэр:
- Садовникова Акулина Дмитриевна – Саха республикатын үөрэҕириитин туйгуна, «Саһарҕа» ырыа ансаамбыл салайааччыта, сыана бэтэрээнэ
- Стручкова Ия Ивановна – нэһилиэккэ, улууска ыытыллар ырыа күрэхтэрин лауреата, «Нарыйа» үҥкүү ансаамбыл үҥкүүһүтэ, Ураһалаах нэһилиэгин художественнай самодеятельноһын көхтөөх кыттыылааҕа
- Михайлова (Антонова) Аида Сергеевна – нэһилиэккэ, улууска ыытыллар ырыа күрэхтэрин, кэнсиэрдэрин солбуллубат кыттыылааҕа, Гран-При хаһаайката. Саха эстрадатын саҥа чаҕылыйбыт сулуһа, Абый улууһун эрчимнээх, көхтөөх эдэр ыччата
- Соломова Екатерина Михайлова – Саха республикатын телевидениятын уонна радиотын туйгуна, Абый улууһун, нэһилиэктэрин, тыа дьонун үлэтин, республика таһымыгар сырдатыы, үйэтитии үлэтигэр өр сылларга ис сүрэҕиттэн ылсан үлэлэспит, үлэлиир, улуус культууратын методиһын быһыытынан улууска, республикаҕа ыытыллар тэрээһиннэр сүрүн сүбэһиттэрэ
- Садовникова Мария Егоровна — Ураһалаах нэһилиэгин сынньалаҥ киинин салайааччыта, «Нарыйа» үҥкүү ансаамбыл үҥкүүһүтэ, нэһилиэк художественнай самодеятельноһын көхтөөх кыттыылааҕа.
Бу тэрээһиҥҥэ хас биирдии нүөмэри ис сүрэхтэриттэн бэлэмнээн ыыппыт улууспут култууратын исписэлиистэригэр ис сүрэхпититтэн махтанабыт!
Мария Садовникова, Ураһалаах култууратын киинин салайааччыта