Муҥурдаах нэһилиэгэр Культура сылын чэрчитинэн Анастасия Алексеевна Дохунаева 85 сылыгар аналлаах, кини сырдык аатын үйэтитэн «Тыыннаах тыл» театрализованнай туруоруу улуустааҕы көрүүтэ буолан ааста. 4 нэһилиэк олохтоох артыыстара саха суруйааччыларын комедиаларын сыанаҕа оонньоон көрдөрдүлэр.
Күрэх түмүгэ маннык буолла:
«Кылаан чыпчаал» – Абый с., «Уобарас» драматическай студия, Суорун Омоллоон “Наара суох” айымньытыттан быһа тардыы. Сал. Анастасия Афанасьевна – 45000 солк. Маны таһынан “Бастыҥ декорация” – анал аат хаһаайыннара 5000 солк туттулар.
I үрдэл – Уолбут нэһилиэгин «Сайдам» бөлөҕө А.И. Софронов «Нууччатымсыйбыт» сал. Екатерина Никитина – 20000 солк.
II үрдэл – Ураһалаах нэһилиэгэ 15000 солк. наҕараадаланнылар. «Көр-нар шоу» бөлөҕө Суорун Омоллоон «Киһини туох киэргэтэрэ» комедиятыттан. Сал. Александра Соломова. Маны таһынан Анастасия Алексеевна сиэннэрэ Андреевтар дьиэ кэргэн 5000 солк бириистэрин «Саамай көхтөөх кыттааччылар» буолан анал аат ыллылар.
III үрдэл – Муҥурдаах нэһилиэгэ П. Тобуруокап «Алаас ырыата» комедиятыттан «Талааннары көрдүүбүт» – 10000 солк, сал. Анджела Рязанская.
Маны таһынан, «Көрөөччү биһирэбилэ» анал аат Уолбуттарга тигистэ, «Түмсүүлээх бөлөх» Ураһалаахтар буоллулар, «Көхтөөх эр киһи» – Владимир Слепцов, «Эр киһи бастыҥ оруола» – Любовь Григорьева, «Дьахтар бастыҥ оруола» – Мария Подорожная ыллылар.
Кыайыылаахтарга Муҥурдаах нэһилиэгин А.А.Дохунаева аатынан Төрүт культуура киинэ спонсордаата.
Мария Мартынова, Абый улууһун култуураҕа салалтатын салайааччыта:
— Абый нэһилиэгин культурнай киинин драматическай бөлөҕүн “Кылаан чыпчаал” кыайыылаах аатын ылбытынан истиҥник эҕэрдэлиибит. «Уобарас» бөлөх “Наара суох” айымньытыттан хас биирдии герой уобараһын толору арыйан, таҥастарын-саптарын, иһиттэрин-хомуостарын, малларын-салларын көрдөрөн, урукку олох тыынын биэрэн, кыайыан кыайда. Ону тэҥэ, нэһилиэктэр испэктээк туруоруутун болҕомтоҕо ылан, бэлэмнэнэн, бары ураты туруорууларын, тупсаҕай декорацияларын дьүүллүүр сүбэ үрдүктүк сыаналаата. Мин биир бэйэм культура үлэһиттэрин атын харахпынан көрөн сөхтүм уонна астынным. Биири бэлиэтиэхпин баҕарабын – эһиилги куонкурус тиэмэтин олохтоох ааптардар айымньыларын сырдатыыга этии киллэрэбин. Испэктээк туруоруу олус уустук. Айымньы тиэмэтин арыйыы, сүрүн санаатын, сюжетын, ону таһынан, хас биирдии герой уобараһын арыйыы, сүрүн санаатын, сюжетын, ону таһынан, хас биирдии герой уобараһын арыйан көрөөччүгэ тириэрдии – бу улахан үлэттэн уонна сатабылтан тахсар. Онон баҕарыам этэ айар үлэҕитигэр ситиһиилэри, сыралаах үлэҕитигэр сыанабылы.
Культура салалтатын аатыттан тэрийээччилэргэ, Муҥурдаах нэһилиэгин Төрүт киин кэллэктиибигэр, чуолаан Мария Дмитриевна Подорожнаяҕа уонна Анджела Васильевна Рязанскаяҕа, ону тэҥэ бары кыттыбыт кэллэктииптэргэ барҕа махталбытын биллэрэбит.
Анастасия СОРОКОУМОВА, Сыаҥааннаах.