Абый улууһугар ыам ыйын 4 күнүнээҕи туругунан тыа хаһаайыстыбатын көрдөрүүлэрэ бигэ туруктаахтар.
Тыа хаһаайыстыбатын управлениятын иһитиннэриитинэн, улуус үрдүнэн барыта 469 ынах сүөһү баар, онтон 192 ыанар ынах. Билиҥҥи туругунан 94 ньирэй төрөөтө. Сылгы ахсаана — 1304, итинтэн 856 биэ. 29 убаһа күн сирин көрдө.Таба иитиитинэн дьарыктанар хаһаайыстыбаҕа уопсайа 1410 таба баар, онтон 750 тыһы. Бу күннээҕи көрдөрүүнэн 90 тугут төрөөтө.
Хаһаайыстыбалаахтар, бэтэринээрдэр, зоотехниктар кыстык этэҥҥэ ааһарыгар уонна төрүөх тахсарыгар бары кыһамньыларын уураллар.
Александра Заровняева