Анал байыаннай дьайыыга сылдьар дьоммут дьиэ кэргэттэригэр өйөбүл, көмө буолуу биир инники турар сорукпут.
“Бары биир сомоҕо күүс буоллахпытына, хайаатар да кыайыы кэлиэҕэ, уолаттарбыт этэҥҥэ эргиллэн кэлиэхтэрэ” диэн санаанан салайтаран ыытыллар үлэҕэ кыттыһан кылаатын киллэрэр. Бу туһунан нэһилиэк баһылыга Иван Атласовы кытта кэпсэттибит.
-
Дойдубут бэрэсидьиэнэ Владимир Путин Улуу Кыайыы 80 сылынан сибээстээн, Арассыыйа үрдүнэн Аҕа дойдуну көмүскээччи сылынан биллэрбитэ, онтон Саха сирин Ил Дархана Айсен Николаев Ил Түмэҥҥэ туһаайан этиитигэр бу сылы Ийэ дойдуну көмүскээччи сылынан биллэрбитэ.
- Манан сиэттэрэн Ийэ дойдубутун көмүскүү сылдьар анал байыаннай дьайыы кыттыылаахтарын, хорсун-хоодуот уолаттарбытын уонна кинилэр дьиэ кэргэттэрин, оҕолорун өйөөн, ытыктаан араас элбэх тэрээһиннэр ыытылла тураллар. Муус ылыыта, хаар күрдьүүтэ, от-мас бэлэмнээһинэ, оскуола волонтердарын, төрөппүттэрин көмөтүнэн гуманитарнай көмөлөр о.д.а.
Бу күннэргэ анал байыаннай дьайыыга ыҥырыллан барбыт биир дойдулаахпытыгар Михаил Слепцов дьиэ кэргэнигэр нэһилиэк дьаһалтатын уонна «Эдек» этно-култуурунай комплекс эр дьоно түмсэ түһэн үс күн иһигэр дьиэ күрүөтүн тутан бүтэрдибит. Профлиһынан бүрүйдүбүт.
Бэлиэтээн эттэххэ Михаил анал байыаннай дьайыы саҕаланыан иннинэ дьиэ тутан саҕалаабыта. Ол эрэн ситэри бүтэрбэтэҕэ. Былырыын үлэни тиһэҕэр тириэрдэн этэҥҥэ дьоно сылаас дьиэҕэ кыстаатылар.
Биһиги бу ыытар үлэбит хайаатар да дойдуларын көмүскүү сылдьар биир дойдулаахтарбытыгар күүстэригэр күүс эбиэ, кинилэр сотору кыайыы көтөллөөх эргиллэн кэлэллэригэр көмөлөһүө диэн эрэллээхпит.
Александра Заровняева.