От үлэтин торумнара

Быйыл сайын оттооһуну тэрийэр уонна миэстэтигэр ыытар соруктаах оройуоннааҕы штаб тэрилиннэ. Манна салайааччынан улуус баһылыгын бастакы солбуйааччы Леонид Марков, чилиэннэринэн тыа хаһаайыстыбатын управлениетын начальнигын эбээһинэһин толорооччу Анисия Черемкина, нэһилиэктэр баһылыктара, Улуус депутаттарын сэбиэтин бэрэссэдээтэлэ Айталина Унарова уонна улуус депутата Айдар Ефимов киирдилэр. Сэкиритээринэн ТХУ кылаабынай зоотехнига М.А. Слепцова ананна.

Оройуон үрдүнэн бу сайын 1968 тонна от бэлэмнэнэрэ торуманна. Ол иһигэр Абый нэһилиэгэр 760 тонна, Дьооскуга 410 тонна, Майыар нэһилиэгэр 201 тонна, Муҥурдаах нэһилиэгэр 324 тонна, Уолбут нэһилиэгэр 273 тонна от бэлэмнэнэрэ быһаарылынна.

Онон, фермерскэй хаһаайыстыбалар, ИП-лар 1098 тонна оту оттуур, тус бэйэ подсобнай хаһаайыстыбалаахтар 834 тоннаны уонна кэтэх хаһаайыстыбалар 36 тоннаны бэлмниир соруктаннылар.

Бу сүҥкэн үлэни түргэтэтэргэ, аныгы кэм ирдэбилинэн хаһаайыстыбаларга оттуур звенолар, техника сыһыарылыннылар. Ол курдук, Абый нэһилиэгэр 24 тыраахтар, 36 звено, барыта 90 киһи окко тахсара былааннана. Дьооскуга 4 тыраахтар, 13 киһи үлэлиэхтээх. Майыар нэһилиэгэр 3 тыраахтар, 11 звено, 43 киһи үлэлиирэ торумнанна. Муҥурдаах нэһилиэгэр 10 тыраахтар, 25 звено, 39 отчут ходуһаларга үлэлии тахсыахтара. Уолбуттар 13 тыраахтары, 10 звенону, 46 киһини окко таһаараары олороллор.

Онон, улуус үрдүнэн 54 тыраахтар, 87 звено, 231 киһи оттуурун улуустааҕы штаб быһаарда.

Бу барыллаан информация, от ыйыгар чуолкайдаммыт дааннайдары кытта билиһиннэриэхпит.

Тыа хаһаайыстыбатын управлениета.