Ытык Таатта сиригэр саха төрүт көрүҥнэригэр — «Манчаары оонньууларыгар» Саха АССР тимир болгуоҕа бастакы спорка маастарын, Уһук Илин уонна Сибиир икки төгүллээх чөмпүйүөнэ, Саха АССР сэттэ төгүллээх чөмпүйүөнэ, РСФСР идэлээх үөрэхтээһин туйгуна Иустин Кулачиков аатынан өрөспүүбүлүкэтээҕи тимир болгуоҕа путевка ылыытын иһин күрэс ыытылынна.
Ыраах хоту эргимтэҕэ сытар Абый улууһуттан Тимофей Томскай тириэнэрдээх хамаанда кэлэн кытынна. Өрөспүүбүлүкэ быыппастар былчыҥнаахтара, иҥиир, күүстээх дьон үс күн устата путевка иһин кииристилэр.
Абыйдар уопсай түмүккэ 24 хамаандаттан 11 миэстэни ылан, «Манчаары оонньууларыгар» кыттыы иһин биир путевканы ылары ситистилэр.
Аны сайын саха төрүт көрүҥнэригэр «Манчаары оонньууларыгар» ситиһиини, кыайыыны баҕарабыт!
Вера Канаева, Таатта