Киһи алдьархайга түбэстэҕинэ, күннээҕи олоҕо-дьаһаҕа айманнаҕына, өрүттэргэ, ыараханы утары туруулаһарга туһаайар кыра да көмө, үтүө санаа кыыма олус наадалаах. Дэлэҕэ даҕаны өбүгэ саҕаттан тэбиэн саҕа хара санаатааҕар түөн саҕа үтүө санаа күүстээх диэн өс номоҕо оҥостуохтара дуо.
Бу күннэргэ Сахабыт сирин киинигэр, Дьокуускай куоракка СӨ бырабыытылыстыбатын Бэрэссэдээтэлин Дмитрий Садовников көҕүлээһининэн быйыл сайын халаан уутуттан эмсэҕэлээбит Өймөкөөн уонна Абый улууһун Кэбэргэнэ национальнай нэһилиэк олохтоохторугар көмөлөһөр сыаллаах аһымал кэнсиэр буолан ааста. Кэнсиэргэ СӨ ОдьХА, Тутуу министерстватын, МЧС сахалыытын суруйаар сулууспа айар талааннаах үлэһиттэрэ кыттыыны ыллылар. Тэрээһиҥҥэ ылбаҕай ырыаны, үҥкүүнү сэргэ уруһуйдаммыт хартыыналарынан аукцион ыытылынна.
Аһымал акция түмүгүнэн 600 000 солк. харчыны киллэрбиттэр. Онтон кэбэргэнэлэргэ 200 тыһ. солк суумалаах көмө оҥорбуттар. Көмө харчы ууга барбыт тустаах дьоҥҥо тиэрдиллиэҕэ.
Лариса СЛЕПЦОВА.