Ураһалаах агрооскуолатыгар улуустааҕы «Индигир эбэбит амтаннаах бэлэҕэ» конкурус буолан ааста.
Тэрээһин 4 түһүмэҕинэн ыытылынна. Үөрэнээччилэр бэйэни билиһиннэрии кэнниттэн абый тоҥ балыгын хатырыктаан көрдөрдүлэр уонна бу балыктарыттан классическай роллы оҥорон холоннулар. Дьиэҕэ астаан кэлбит бүлүүдэлэрин рецебын, туох туһалааҕын дьүүллүүр сүбэҕэ, көрөөччүлэргэ сиһилии кэпсээтилэр.
Бүтэһик түһүмэҕинэн видео уһулуу. Манна хоту дойду дьоно үгэс быһыытынан көлүөнэттэн көлүөнэҕэ бэриллэн иһэр сатабылларын, албастарын көрдөрдүлэр.
Бастакы миэстэни Майыар хамаандата ылла, иккиһи — Муҥурдаах уонна үһүс миэстэҕэ Белай Гора хамаандатын оҕолоро тигистилэр. Ураһалаах хаиаандатыгар биһирэбил бириис туттарылынна.
Конкуруһу тыа хаһаайыстыбатын доктора, профессор Константин Степанова, үөрэҕирии салаатын начальнига Александр Винокуров уонна профсоюз председателя, соцпедагог Мария Шкулева дьүүллээтилэр.
