Бэҕэһээ, атырдьах ыйын 23 күнүгэр Арассыыйа Президенэ Владимир Путин икки саха уолугар Филипп Евсеевкэ уонна Алексей Неустроевка Арассыыйа Дьоруойа ааты иҥэрэр наҕаарадаларын туттарда. Саха сирэ биир күн икки геройданна!
Санатар буоллахха, уолаттар бу сайын Запорожье хайысхатынан ВСУ атаакалыыр байыаннай тиэхиньикэтин колоннатын соҕотоҕун сууһарбыт, кимэн киириини утарбыт «Алеша» тааҥка экипаһын байыастара буолаллар. Атааканы утарыы кыраҕы ытааччытынан – наводчик-оператор – Алексей Неустроев уонна механик-водитель эбээһинэһин толорбут Филипп Евсеев.
:
Владимир НОВИКОВ, Абый улууһун баһылыга:
— Үөрүүлээх сонуну биһиги, Абый улууһун дьоно-сэргэтэ өрө көтөҕүллэн иһиттибит. Дойдубут көҥүлүн националистартан Анал байыаннай дьайыыга туруулаһан көмүскүү сылдьар икки уолбут Россия Геройдара буолбуттара олохтоохтору олус астыннарда, сахалар хаһан да инники күөҥҥэ сылдьалларын дакаастаатылар диэхпин баҕарабын. Бу улуу хорсун быһыыны биһиги ыччаппыт, нэһилиэнньэбит ортотугар патриотическай иитиигэ туһулуохпут. Герой уолаттарбытын оҕолорбут ити анал дьайыыга сылдьар аҕаларыгар, убайдарыгар холобур быһыытынан тириэрдиэхтэрэ.