Тыа хаһаайыстыбатын бородууксуйатын атыылыыр үгэскэ кубулуйбут «Арктика бэлэҕэ-2024» быыстапка-дьаарбаҥка чэрчитинэн дьиэ кэргэттэр икки ардыларыгар күрэх буолан ааста.
Абый нэһилиэгиттэн Новиковтар, Дьооскуттан Оконешниковтар, Сыаҥааннаахтан Корякиннар, Киэҥ Күөлтэн Слепцовтар, Кэбэргэнэттэн Слепцовтар уонна Белай Гораттан Слепцовтар-Яковлевтар дьиэ кэргэттэрэ кытыннылар.
Күрэхтэһээччилэр биэс көрүҥҥэ кииристилэр. Хортуоппуй олортулар, хаппыыста хомуйдулар, кыыл таба тириитигэр оҕолорун олордон, салааскылыы состулар. Онтон «Өркөн өйгө» түргэнник бэйэ аатын төттөрү суруйарга холоннулар. Бүтэһик көрүҥҥэ, Абый дьоно буолалларынан, тоҥ балык кыһан көрөөччүлэри күндүлээтилэр. Ыалдьыттар балык эмиһин, астыгын бэлиэтээтилэр.
Күрэхтэһии түмүгүнэн Корякиннар бастаатылар, иккискэ Оконешниковтар күөрэйэн таҕыстылар, үһүс миэстэ Новиковтар буоллулар.
Күрэхтэһии түгэнэ
Слепцовтар
Слепцовтар-Яковлевтар
Оконешниковтар
Новиковтар
Александра Заровняева