Бүгүн Дьокуускайга Хомсомуол болуоссатыгар «Ас-үөл — 2026» быыстапка-дьаарбаҥка үлэтин саҕалаата.
Быыстапка-дьаарбаҥкаҕа ыраах Абый улууһуттан биллэр-көстөр балыксыт, үлэ киһитэ уонна урбаанньыт Дмитрий Гаврильевич Саввин (ИП Д.Г. Саввин, ону тэҥэ «Сайдыы» тыа хаһаайыстыбатын кэпэрэтиибин бэрэссэдээтэлэ) кытта сылдьар.
Кини ураты хаачыстыбалаах, ыраас уонна сибиэһэй тоҥ балыгы (чыыры, уомулу) аҕалан дьон биһирэбилин ылар. Балыга экологическай өттүнэн ыраас уонна ураты амтаннаах буолан, куорат олохтоохторугар куруук улахан сураҕы уонна уочараты үөскэтэр.