Майыарга сыл аайы үгэс буолбут уолаттарга аналлаах «Бөҕө Боотур» курэх буолар. Күрэх Юрий Михайлович уонна кини уола Андрей Юрьевич Жирковтар ааттарын үйэтитэр оҕолоро, сиэннэрэ үбүлээһиннэринэн тэриллэр.
I-XI кылаас уолаттара саха национальнай спортивнай оонньууларыгар бэйэлэрин холонон көрдүлэр. Ол курдук, тутум эргиир, кырынаастааһын, тардыныы, хороҥ оту урдунэн ыстаныы, көтөх ынаҕы туруоруу күрэхтэр киирэллэр. Уопсай түмүгүнэн X кылаас үөрэнээччитэ Герман Слепцов чемпион үрдүк аатын сүктэ. Иккис миэстэҕэ эмиэ X кылаас үөрэнээччитэ Богдан Слепцов, үһүс миэстэҕэ VII кылаас үөрэнээччитэ Марат Слепцов таҕыстылар.
Кыайыылаахтарга сыаналаах бириистэр туттарылыннылар. Күрэхтэһии сүрүн спонсардарынан Уолбут нэһилиэгиттэн төрүттээх, Абый улууһун Бочуоттаах олохтооҕо, Саха Республикатын норуотун хаһаайыстыбатын үтүөлээх үлэһитэ, Майыар нэһилиэгэр тахсыылаахтык Сэбиэт председателинэн үлэлээбит Юрий Михайлович Жирков уонна кини уола урбаанньыт Андрей Юрьевич Жирков сырдык ааттарын уйэтитэр кинилэр оҕолоро, сиэннэрэ буолаллар.
Сусанна Никитина.