Абый орто оскуолатын үөрэнээччилэрэ регионнар икки ардыларынааҕы «АРТЛИГА 2025» аһаҕас уруһуй чемпионатыгар кэтэхтэн кыттан, Анита Томская «Баллада о матери» үлэтинэн Гран при (5-8 кылаастарга). Вероника Дохунаева «Великая Отечественная война в лицах» үлэтинэн «Интересный подход» номинация кыайыылааҕа буолбут.
Учууталлара Ираида Томская салалтатынан кыргыттар «Компьютерный дизайн» диэн категорияҕа кыттыбыттар. Ника Дохунаева — 9-11 кылаастарга, Анита Томская — орто кылаастарга.
«Интэриэһинэй, сонун тэрээһин буолан ааста. Бастаан хоһоон ыыталлар. Ону ааҕан баран ис хоһоонун уруһуйдаан тиэрдэбит. Араас улуустартан кыттааччы элбэх. Аҕа дойду улуу сэриитигэр анаммыт күрэххэ 4 чаас бэриллибитэ. Биһиги 3 чаас курдук олордубут».
Маладьыастар!