«Вы не одни» Бүтүн Россиятааҕы акцияҕа кыттыһан, Белай Гораҕа анал байыаннай дьайыыга сылдьар биир дойдулаахтарбыт дьиэ кэргэттэрин өйүүргэ анаммыт «Аһымал дьаарбаҥка» элбэх киһини түмтэ.
Улуус уонна Белай Гора дьаһалталара, киин балыыһа, үөрэх салалтата, бухгалтерия, библиотека, баһаарынай чаас, нефтебаза, гимназия, оҕо искусствотын уонна Белай Горатааҕы гимназия, орто оскуола, “Кораблик” оҕо уһуйаана, социальнай эйгэ харалтата, ИП “Вито”, социальнай-культурнай киин коллективтара уолаттарбыт дойдуларыгар этэҥҥэ эргиллэн кэллиннэр диэн баҕа санаанан салайтаран көхтөөхтүк кытыннылар.
Анал байыаннай дьайыы ыстаабын салайааччыта Айталина Унарова дьаарбаҥка кыттыылаахтарыгар махтанан туран, инникитин да бары бииргэ буолуоҕуҥ, сомоҕолоһон кыайыыны ситиһиэҕиҥ диэн ыҥырда.
Дьаарбаҥкаттан киирбит үбү, аһынан көмөнү буойуттарбыт дьиэ кэргэттэригэр туттардылар.
тэрээһин кэмигэр маастар-кылаастар ыытылыннылар. Ол курдук сылгы сиэлиттэн өрүүгэ Татьяна Макарова, кыбытык иискэ Вера Слепцова уонна сылаас таҥас киэбин быһыыга Анна Суздалова баҕалаахтары үөрэттилэр.
Уолаттарбыт дойдуларыгар этэҥҥэ эргиллэн кэллиннэр!