Бу туһунан тыа хаһаайыстыбатын начаалынньыга Анисья Черемкина иһитиннэрдэ. «Атырдьах ыйын 5 күнүгэр Ил Дархан Айсен Николаев республикаҕа оттооһун боппуруостарыгар сүбэ мунньах тэрийдэ. Оттооһун сүөһүнү уонна сылгыны кыстыкка бэлэмнээһин сүрүн түһүмэҕэ — мантан сүөһү иитиитин туруга быһаччы тутулуктааҕын. Сорох улуустарга оту бэлэмнээһин тэтимэ ситэтэ суоҕун ыйда. Республикаҕа Абый улууһа бастаан иһэрин, 52% оттоммутун эттэ. Быйыл Тыа хаһаайыстыбатын министиэристибэтэ сайыҥҥы халаан уутугар эмсэҕэлээбит Өймөкөөн олохтоохторун сүөһүлэригэр сиир отторунан хааччыйарын онтон атын улуустар туруоруллубут соругу ситиһэллэригэр сорудахтаата».
Атырдьах ыйын 7 күнүнээҕи от субуоккатын туругунан улуус үрдүнэн 1129 га охсулунна, 1513,5 туонна кэбиһилиннэ. Бу былаан 66,91%-на.
Бу күннэргэ Абый нэһилиэгэр тонна 485,5 от кэбиһилиннэ. Муҥурдаахха 270,5 тонна от бэлэмнэннэ. Майыарга онтон 107 тонна от ылыллынна. Уолбуттар — 956 тонна от кэбиһилиннэ.
От үлэтигэр 50 тыраахтар, 83 звено (ол иһигэр 16 механизированнай, 34 механизированнай аҥардаах, 9 ат көлө-илии звенота уонна 24 илиинэн эрэ үлэлиир), барыта 226 киһи от үлэтигэр кыттар.
Александра ЗАРОВНЯЕВА.