Саха өрөспүүбүлүкэтигэр Норуот маастарын күн чэрчитинэн Уолбут нэһилиэгэр айар оҥоһук быыстапката буолла.
Нэһилиэк айар куттаах, айылҕаттан талааннаах далбар хотуттара илиилэрин сылааһын иҥэрэн оҥорбут үлэлэрин көрдөрдүлэр. Оскуола учууталлара Анастасия Слепцова таҥастан, оҕуруонан, муостан оҥоһуктара, Тамара Стручкова аныгылыы моһуоннаах сахалыы киэргэллэрэ, полимернай глинанан оҥорбут саха куукулалара, Сардаана Слепцова уруһуйдара, Светлана Аммосова аныгылыы моһуоннаан тикпит таҥастара, Надежда Мыреева түүлээх бэргэһэлэрэ, баайыы таҥастара, сахалыы халадаайдара, Уолбуттан төрүттэх Мотрена Бурнашева аныгылыы моһуоннаах сахалыы халадаайдара, оҕуруонан киэргэллэрэ дьон болҕомтотун тартылар.
Тэрээһин түмүгэр кыттааччылар бары туоһу сурук туттулар, инники өттүгэр тэрээһин ис хоһоонун, таһымын өссө үрдэтэр санаалаах тарҕастылар.
Лариса СЛЕПЦОВА, Уолбут.