Тохсунньу 18 күнүгэр В.П. Ефимов 70 сааһын туолар үбүлүөйдээх күнүгэр аҕатын — Абый нэһилиэгин «Ленин суола» колхоз председателэ, «Абый» совхоз управляющайа Ефимов Петр Константинович аатын сүгэр уулуссаҕа, ийэтин, Саха Республикатын доруобуйа харыстабылын туйгуна Евдокия Алексеевна аатын сүгэр Абыйдааҕы балыыһаҕа, Виктор Петрович туруорсан, туттаран хаалларбыт оскуолатыгар сибэкки ууруута буолла.
Бииргэ төрөөбүтэ Антонина Петровна балыыһа коллективыгар аныгы тонометр бэлэхтээтэ. Ийэтигэр аналлаах истиэндэ, ийэтэ туттубут медицинскэй тэриллэрэ өйдөбүнньүк буолан туралларын көрөн үөрдэ, долгуйда. Олохтоох музейга ийэтин хаартыска-альбомун туттарда.
Анна Чиркова, Абый.