Дьокуускай куоракка республика баһылыгын иһинэн үрдүкү инновационнай менеджмен оскуолатыгар уһук хоту улуустар тэрилтэлэрин салайааччылара олохтоох бэйэни салайыныыны сөптөөхтүк тэрийэргэ, тыйыс усулуобуйалаах сиргэ олоҕу сайыннарарга, тупсарарга туһуламмыт форумҥа түмүстүлэр.
Икки күннээх форумҥа Абый улууһун үөрэҕириитин салайааччыта Александр Винокуров, культура салалтатын салайааччыта Мария Мартынова уонна Уолбут нэһилиэгин баһылыгын солбуйааччы, эдэр кэскиллээх специалист Гаврил Константинов сырыттылар.
Тэрээһин иитинэн кыттыылаахтар хоту улуустарга сайдыы суолун ырытыстылар, кэскиллээх үлэни тэрийии туһунан кэпсэттилэр, үлэ уопутун атастастылар.
«Арктика улуустарын түмэр улахан форум буолла, уопсайа 50-тан тахса киһи кытынна. Олохтоох бэйэни салайыныыга практическай олус наадалаах сүбэлэри биэрдилэр, ону сэргэ аныгы искуственнай интеллект эйгэтин үлэҕэ көдьүүстээхтик туһаныыны кэпсээтилэр. Олохтоох үбү тыырыыны тустаах министерство олус үчүгэйдик сиһилии быһаарда», — диэн Винокуров А.С. санаатын үллэһиннэ.
Лариса Слепцова.