Бу күннэргэ Ытык-Күөлгэ ыытыллыбыт Саха сиринээҕи гиирэ спордун Федерациятын Кубогар Юлиана Семенова абсолютнай чемпионка аатын ылла.
Абый улууһун Кэбэргэнэтиттэн төрүттээх, кыра эрдэҕиттэн хоту дойду олоҕун бары үтүөтүн, кыһалҕатын билэн улааппыт буолан, туохтан да толлон турбат, туруоруммут сыалын ситиһэр дьаныардаах киһи. Биһиги билэрбитинэн гиирэни анньыы эр киһи дьарыга буолуох курдук эрээри, киһи кыаҕа муҥура суоҕун, дьаныар уонна дьулуур үтүө түмүктээх буоларын биһиги Юлябыт дакаастаата.
Хаһааҥҥыттан гиирэнэн дьарыктаммытын, туох ситиһиилэрдээҕин туһунан Юлиана маннык кэпсиир:
– Белай Гора гимназиятын 2013 сыллаахха бүтэрэн, СВФУ Горнай институтугар үөрэммитим. Абыйга үлэлии кэлэн баран, дьарыктанан саҕалаабытым. Бастакы тренерим Сандал Оконешников диэн Уус-Алдантан сылдьар гиревик этэ.
Билигин тренерим гиирэҕэ норуоттар икки ардыларынааҕы кылаастаах спорт маастара Михаил Саввинов. Иккиэн университекка бииргэ үөрэммит однокурсниктарым. Күрэхтэһиилэргэ Нам улууһун хамаандатыгар киирэн кытта сылдьабын.
Кэккэ ситиһиилэрдээхпин. Ол курдук, Манчаары оонньууларыгар бастаабытым. Сибиир уонна Дальнай Восток уокуругунааҕы гиирэ успуордун Чемпионатыгар – III миэстэ, Саха республикатын чемпионатыгар – I миэстэ уонна турнирдарга I-кы миэстэлэрдээхпин.
– Эдэр дьоҥҥо тугу сүбэлиэҥ этэй?
– Бастатан туран, сыал туруорунуохха наада. Ол сыалгын ситиһэргэр хайаан да бэрээдэк ирдэниллэр. Бэрээдэк туохха барытыгар.
Кэлэн иһэр Саҥа дьылынан эҕэрдэлиибин. Кэлэр сыл барыбытыгар үрдүк таһаарыылаах, ситиһиилэрдээх буолуохтун: спорт да өттүгэр, үлэҕэ-хамнаска да буоллун. Доруобай, иллээх буолуоҕуҥ. Алдьархайдаах сэрии бүтэн, уоланнарбыт этэҥҥэ эргиллэн кэллиннэр.
Дьоллоох буолуҥ, бар дьонум!
Надежда Рязанская. Майыар нэһилиэгэ.
КОММЕНТАРИЙ
Марина Ивановна Сивцева, классный руководитель:
– Юлия окончила Белогорскую гимназию им. Н. Н. Ефимова в 2013 году. Последние два года школьных лет класс был «Лучшим спортивным классом». И в этом есть большой вклад Юлии. Еще в школьные годы Юля выработала сильный спортивный характер, стремилась всегда к хорошим результатам. Упорно занимаясь баскетболом и волейболом, показала хорошие результаты и вошла в сборную команду гимназии, а впоследствии и улуса. Неоднократно была победителем и призером улусной спартакиады в беге на 800 метров, по тройному прыжку, по прыжкам в длину, призером «Кубка Инлигирки» по волейбооу и баскетболу в составе сборной команды улуса, чемпионом улусной спартакиады школьников.