Майыарга араас хайысхаларынан үтүө саҕалааһыннар, кэрэхсэбиллээх дьаһаллар тиһигин быспакка тэриллэллэр.
Оскуола үөрэнээччилэрэ, үгэс быһыытынан, “Тимуровскай хамсааһынынан” нэһилиэктэрин кырдьаҕастарыгар көмөлөһөллөр – күһүн-саас хайаан даҕаны мас хайытан саһаанныыллар, хаар күрдьэллэр, туох үлэ баарынан барытыгар көмөлөһөллөр.
Бу күннэргэ 10-с кылаас уолаттара соҕотох олорор Никулин Николай Николаевичка хаар ыраастаатылар. Буурҕа кэнниттэн хаар мустан, дьиэтиттэн киирэригэр-тахсарыгар эрэйдээх. Соҕотох олорор ыарыһах киһиэхэ кыра да көмө наада.
Сайаҕас санаалаах оҕолор үтүө холобурдара үксүү,тэнийэ турдун!
Сусанна Никитина.