УраҺалаах сынньалаҥ киинигэр аан маҥнайгытын УраҺалаах орто оскуолатын уолаттарын икки ардыгар Константин Максимович Степанов хоҺоонноругар «Уоланнар ааҕыылара» күрэх ыытылынна.
Күрэххэ алын, орто, улахан кылаас уолаттара 3 бөлөҕүнэн арахсан кытыннылар.
Сахалыы куттаах кэскиллээх ыччаттарбыт этэн-тыынан уус-уран айымньы уустук көрүҥэр маҥнайгы сүрэхтэниилэрин аастылар. Көрөөччүлэр уолаттары сэҥээрэ көрдүлэр, дуоҺуйа сынньаннылар.
«Уоланнар ааҕыыларын» түмүгүнэн
Алын кылаас сүҺүөх уолаттарыгар:
I үрдэл — Антон Дохунаев
II үрдэл — монтаж Айтал Слепцов, Влад Борзов, Айхал Борзов
III үрдэл — монтаж Ян Сорокоумов, Ким Стручков, Стас Максимов
Орто бөлөххө:
I үрдэл — Миша Яковлев
II үрдэл — Саша Стручков
III үрдэл — Сеня Стручков
Улахан бөлөххө:
I үрдэл — Антон Дохунаев
II үрдэл — монтаж Айтал Слепцов, Влад Борзов, Айхал Борзов
III үрдэл — монтаж Ян Сорокоумов, Ким Стручков, Стас Максимов
I үрдэл — Ариан Бурцев
II үрдэл — Богдан Максимов
III үрдэл — Толя Степанов
Ону таҺынан автор Константин Максимович тус бэйэтин аатыттан маҥнайгы кылаас үөрэнээччитигэр Вова Полушкиҥҥа «БиҺирэбил» анал ааты туттарда.
ТэрээҺини Москва куоракка фестивальга кыттан кэлбит Людмила Стручкова салайааччылаах «Дьэргэлгэн» ансаамбыл кырачаан кыргыттара сахалыы тыыннаан киэргэттилэр, алыптаах хомус тыаҺынан сахалыы матыыптары Айтурҕан Ашырахманова оонньоон иһитиннэрдэ, Саша Дохунаева «Айылҕаны харыстыах» ырыанан дьон кутун тутта, Ваня Стручков хорсун-хоодуот уол оҕо туһунан ыллаан дьиэрэҺиттэ уонна түмүгэр «ДьөҺөгөй» үҥкүү ансаамбылын уолаттара саҥа турбут буруолуу сылдьар «ДьөҺөгөй Айыыта» үҥкүүнэн дьон сүргэтин көтөхтүлэр.
Кэрэ кэпсээн кэпсэнэ турдун,
Сэргэх сэҺэн сэргэхситэн истин,
Үтүө санаа үксүү турдун,
Мааны майгы баҺыйдын !!! диэн чугдаарар-чуопчаарар кырачаан кыргыттар чабырҕахтарынан иһитиннэриибин түмүктүүбүн.
Галина Белоус, «Ураһалаах уоттара» култуура киинин уус-уран салайааччыта.