«Ил Дархан быйылгы туһаайыытын туһунан бэйэтин санаатын В.Н.Дохунаев аатына Муҥурдаах орто оскуолатын учуутала, профсоюз председателэ Павлова Айталина Федоровна үллэстэр:
— Айсен Николаев этиитигэр республика үрдүнэн хаарбах дьиэттэн көһөрүү, социальнай объектары тутуу боппуруостарыгар хайа да сыллааҕар күүстээх үлэ барбытын сэргии иһиттим. Быйыл биһиги улууспут кырдьаҕастарыгар Дьокуускай куоракка дьиэ бэриллибитэ сүрдээх үөрүүлээх этэ. Бу үлэ салҕанара буоллар диэн баҕа санаалаахпын.
Улууска биһиги оскуолабыт саамай маҥнайгы тутуллубут оскуола. Онон саҥа таас оскуола тутулларын долгуйа кэтэһэбит.