Абый улууһугар сүөһү аһылыгын бэлэмнээһин хаамыыта куһаҕана суох. Бу дьыл атырдьах ыйын 7 күнүнээҕи туругунан муниципальнай оройуон сиригэр-уотугар 1764,5 тонна от кэбиһилиннэ.
Ол курдук, Абый нэһилиэгэр 746 га сир охсулунна, 787 тонна от бэлэмнэннэ. Онон абыйдар сезоннааҕы былааннарын 124 бырыһыан толордулар. Итиннэ Дьооску учаастагар 275 га сиртэн 305 тонна от ылыллан, былаанннарын 76 бырыһыан толорон иһэллэр.
Муҥурдаах нэһилиэгэр 209 га сир оттонно уонна 352 тонна от кэбиһилиннэ, онон былаан 121 бырыһыан туолла.
Майыар нэһилиэгэр 71,5 га сир охсулунна, 137 тонна от бэлэмнэннэ. Сезоннааҕы былаан 76 бырыһыан туолан иһэр.
Уолбут нэһилиэгэр 92,8 га ходуһа охсулунна, 183,5 тонна от бэлэмнэннэ, былаан туолуута 72 бырыһыаҥҥа тиийдэ.
Түмүктээн эттэххэ, Абый уонна Муҥурдаах нэһилиэктэрэ былааннарын аһары толорбуттарынан, улуус от үлэтигэр сезоннааҕы былаанын 100 бырыһыан толордо диэх кэриҥнээхпит. Санатар буоллахха, сүөһү дороххой аһылыгын бэлэмнээһиҥҥэ сезоннааҕы былааны тыа хаһаайыстыбатын министерствота 7464 тоннанан быспыт эбит буоллаҕына, толоруута 7464, 6 тонна буолла.
От үлэтин хампаанньатыгар улуус үрдүнэн 231 киһи, 54 тыраахтар, 85 звено, ол иһигэр 15 механизированнай, 32 механизированнай аҥардаах, 9 илии-көлө уонна 29 илии звенолара үлэлээтилэр.
Ааспыт сайын сезоннааҕы былааны балаҕан ыйын 5 күнүгэр толорбуппут, онно тэҥнээтэххэ, быйыл үлэ үчүгэйдик тэриллэн, хоһуун үлэһиттэр күүстэринэн былаан эрдэ туолла. Бары отчуттарга эҕэрдэ, үлэлии сылдьааччыларга сиһитиини!
МАРИНА СЛЕПЦОВА, тыа хаһаайыстыбатын салаатын кылаабынай специалиһа.