Майыар орто оскуолатыгар Саха сиригэр Пионерия тэриллибитэ 100 сылынан үөрүүлээх линейка буолан ааста. Алын сүһүөх үөрэнээччилэрэ кылаастарынан, улахан кылаастар 3 этэрээтинэн уонна төрөппүттэр, учууталлар Павлик Морозов аатынан этэрээттэрэ кытыннылар.
Этэрээттэр речевкалаах, девизтээх, ырыалаах хааман киирэн рапортаатылар. Урукку састаабынан горнистар, барабанщик, дружина сэбиэтин председателэ, знамя тутааччы киирбиттэрэ ордук долгутуулаах буолла. Ол кэнниттэн дружина барыта «Взвейтесь кострами» ырыаны ис дууһаларыттан өрө көтөҕүллэн ыллаатылар.
Бэйэлэрин пионер эрдэҕинээҕи сылларын төрөппүттэр ахтан-санаан кэпсээтилэр уонна оҕолорго баҕа санааларын тириэртилэр.
Түмүккэ уопсай хаартыскаҕа түстүлэр.
Сусанна Никитина.