Абыйга арбуһу олордубуттара хас да сыл буолла.
Быйыл дьикти арбуз суордун элбэх оҕо ийэтэ Изабелла Садовникова олордубут. Саһархай өҥнөөх арбуһу көрөн, амсайан сөхтүбүт, дьиктиргээтибит. Маннык арбуз сорда элбэх эбит.
Россияҕа ордук «Лунный» диэн сорду үүннэрэллэр. Маны таһынан, «Оранжевый медок», «Голден Грейс», «Принц Гамлет» диэннэр бааллар. Бу барыта саһархай өҥнөөх, сүмэлээх сортар.
«Арбуһу номнуо сэттис сылбын үүннэрэбин. Ыам ыйыттан олордон саҕалыыбын. 6-7 угу олордобун, бары астаналлар. Быйыл «Сюрприз» диэн саһархай өҥнөөх арбуһу боруобалаатым. Арбуз ситтэ, улаатта, амсайдыбыт, астынныбыт. Былырыын уолум Кирилл научнай-практическай конференцияҕа 2 сорт арбуһу тэҥнээн көрөн, ситиһиилэммитэ. Быйыл саҥа сорт арбуз туһунан суруйарга бэлэмнэнэбит», — диэн оҕуруотчут Изабелла Садовникова санаатын үллэстэр.
Анна Чиркова суруйуута. 
