Кырыа кыһыммыт кэлэн, сүөһү-ас кыстыкка киирдэ.
Уолбут нэһилиэгэр уопсайа 24 төбө хороҕор муостаах, 291 сыспай сиэллээх сүөһү, 87 куурусса баар. Олортон тоҕуһа тэриллиилээх хаһаайыстыбалар ынахтара, 15 сүөһү кэтэх хаһаайыстыбалар киэннэрэ. Быйылгы сылга 8 сүөһүнү идэһэҕэ тутуннулар.
Урбаанньыт Анна Фёдорова аҕыс ынах сүөһүнү ииттэр. Олортон ыанньыга – түөрт ынах, Итини таһынан аҕыс сылгыны кыстыкка киллэрдэ. Алтынньы 11 күнүгэр тыһаҕастара төрөөн, ынах ахсааныгар киирбиттэрин үөрүүтүн хаһаайка кэпсиир.
Быйыл икки хороҕор муостааҕы идэһэҕэ туттан, нэһилиэнньэҕэ атыыга таһаарда. Анна Михайловна өссө үүт, сүөгэй, кыһыҥҥы кэмҥэ тоҥ күөрчэх оҥорон нэһилиэнньэни хааччыйар. Манна даҕатан эттэххэ, хаһаайыстыба эт эрбиир олус наадалаах өҥөнү эмиэ оҥорор.
Бу күннэргэ Уолбуттар сылгы идэһэтин саҕалаатылар. 291 төбөттөн 186-та тэриллиилээх хаһаайыстыба, 105-һэ кэтэх хаһаайыстыба бас билиитигэр бааллар. Билиҥҥитэ хас төбө идэһэҕэ туттуллара чопчуланар.
Лариса СЛЕПЦОВА.