Муус устар 3 күнүгэр Киэҥ Күөлгэ Абый улууһунааҕы экология инспекциятын үлэһиттэрэ Анатолий Софронов, Людмила Алексеева, Александр Новиков анал дьаһаллары ыыттылар.
Кинилэрин кытта үлэлэспит лесник Дмитрий Слепцов уокка оттор маска наадыйаачыларга көҥүлү биэриинэн дьарыктанна.
Экологтар, бастатан туран, котельнвй, ДЭС үлэлэрин, быраабыланы, нормативтары төһө тутуһалларын бэрэбиэркэлээтилэр. Улуус киининттэн тахсыбыт дьон Киэҥ Күөл бэтэрээн булчутугар Жирков Герман Михайловичка дьиэтигэр сылдьан, кини олоҕун-дьаһаҕын билистилэр. Олус сэргэх, интэриэстээх көрсүһүү оскуола оҕолорун кытта буолла, манна айылҕаны харыстааһыҥҥа темалаах кылаас чааһын ыыттылар. Бөһүөлэккэ далларга турар сылгылар туруктарын көрдүлэр, сылгылар хаһаайыттарын санааларын иһиттилэр. Ону таһынан нэһилиэк булчуттарыгар анаан семинар тэрилиннэ. Онно инспекция салайааччыта Анатолий Софронов саҥа быраабыланан куһу, хааһы бултааһыҥҥа уларыйыылары билиһиннэрдэ, салгыы өртөөһүҥҥэ, тыаҕа сылдьан сэрэхтээх буолууну тутуһарга болҕомтону туһаайда, бултуур сирдэри докумуоннааһыҥҥа хаһаайыстыбалар бэлэмнэрин иһитиннэрдэ, түүлээххэ, кыылга лицензия хаһааҥҥытааҕар да элбэх бэриллибитин санатта.
Ити кэнниттэн улуустааҕы экология инспекциятын үлэһиттэрэ дьоҥҥо өйдөнөр, тиийимтиэ тылынан олохтоохтор ыйытыыларыгар хоруйдаатылар.
Николай ПЕТРОВ.