Олунньу 16-17 күннэригэр Абый улууһун Сыаҥааннаах сэлиэнньэтигэр дэгиттэр талааннаах, умнуллубат учуутал, бастыҥ спортсмен, художественнай самодеятельность актыыбынай кыттыылааҕа Гаврил Гаврилович Новиков төрөөбүтэ 60 сылыгар аналлаах улуустааҕы дуобат турнира буолан ааста. Турнир олохтоох дьаһалта (баһылык Корякин Олег Петрович) уонна Гаврил Новиков аймахтарын күүһүнэн бэһис төгүлүн ыытылынна.
Турнирга Сыаҥааннаахтан, Белай Гораттан, Абыйтан, Оттоох Атахтан барыта 30 дуобаты таптааччылар күөн көрүстүлэр. Күрэх эр дьоҥҥо, дьахталларга уонна оҕолорго ыытылынна.
Икки күннээх тыҥааһыннаах киирсиилэр кэннилэриттэн
Эр дьоҥҥо:
— I миэстэни Кириллин Мичил Петрович (Белай Гора)
— II миэстэни Корнилов Александр Январович
— III миэстэни Слепцов Иван Иванович ( Оттоох Атах) ыллылар.
Дьахталларга:
— I миэстэни Слепцова Ия Ивановна (Абый)
— II миэстэни Старостина Виктория Константиновна (Сыаҥааннаах)
— III миэстэни Ушакова Диана Леонидовна (Белай Гора) таҕыстылар.
Уолаттарга:
I м – Сорокоумов Айаал (Муҥурдаах орто оскуолата, 3 кыл.)
II м – Слепцов Слава (Муҥурдаах орто оскуолата, 10 кыл.)
III м – Слепцов Дамир (Белай Горатааҕы гимназия, 6 кыл.) буоллулар.
Кыргыттарга:
I м – Зырянова София (Муҥурдаах орто оскуолата, 10 кыл.)
II м – Давыдова Алиана (Абый орто оскуолата, 7 кыл.)
III м – Корякина Марина (Муҥурдаах орто оскуолата, 8 кыл.) ыллылар.
Кыайыылаахтар Гаврил Новиков бииргэ төрөөбүттэрин уонна аймахтара туруорбут анал бириистэринэн наҕараадаланнылар. Ону тэҥэ күрэхтэһии кыттыылаахтарыгар анабыл бириистэр туттарылыннылар.
«Турнир ветерана» анабыл аат 76 саастаах Старостин Василий Ивановичка туттарылынна. Спонсор — олохтоох дьаһалта.
«Спортивнай дьиэ кэргэн» — Корякин Петр Олегович дьиэ кэргэнэ.
«Турнир бэриниилээх кыттааччыта» — Афанасьева Анастасия Васильевна. Спонсор — Гаврил Новиков бииргэ үөрэммит кылааһынньыктара.
«Кыайыыга дьуллуурун иһин» — Федотова Марфа Алексеевна. Спонсор — олохтоох дьаһалта.
«Саамай кыра саастаах кыттааччы» — Старостин Айтал (3 кыл.), спонсор — Антон Гаврильевич Новиков дьиэ кэргэнэ.
Ону тэҥэ Майыар нэһилиэгин олохтоох дьаһалтата икки номинацияны туруорда. «Кыайыылаах» бирииһи — 1 куул чыыр балыгы Кириллин Мичил Петрович тутта. «Саамай эдэр кыттааччы» ааты ылбыт Вова Голиков (3 кыл., Муҥурдаах орто оскуолатата) 1 куул уомул балыгынан наҕаарадаланна. Майыар нэһилиэгин баһылыгар Атласов Иван Ивановичка дириҥ махталбытын тиэрдэбит.
Турнир бары кыттыылаахтарыгар сертификаттар уонна өйдөбүнньүк бэлэхтэр туттарылыннар.
Турнир ыытыытыгар көмө буолбут судьуйаларга: Сорокоумов Евгений Егоровичка, Ребров Николай Гаврильевичка махтанабыт. Икки күн устата сыралаахтык үлэлээбиттэрин түмүгэр күрэхтэһии мөккүөрэ суох ааста.
Турниры ыытыыга, тэрийиигэ улаханнык көмөлөспүт Муҥурдаах нэһилиэгин олохтоох дьаһалтатыгар уонна Муҥурдаах орто оскуолатын коллективтарыгар минньигэс торт бириис туттарылынна. Түмүккэ кыттыыны ылбыт, өйөөбүт, көмөлөспүт, спонсордаабыт бар дьоммутугар махталбытын тиэрдэбит. Эһиэхэ барыгытыгар эрэли, ситиһиини, табыллыыны, доруобуйаны баҕарабыт.
Людмила Новикова, Сыаҥааннаах.