Майыар нэһилиэгин култууратын дьиэтигэр хапытаалынай өрөмүөн үлэтэ саҕаланна. Өрөмүөн үлэтин Святослав Семенович Попов салайааччылаах «СР энергияны кэмчилээһин уонна саҥа технологиялары харыстааһын киинэ» АО оҥорор.
3 массыына тутуу матырыйаалын кыһыҥҥы суолунан аҕалбыттар. 4 киһилээх биригээдэ кэлэн, үлэтин саҕалаабыт. Ол иһигэр Святослав Семенович бэйэтэ. Кулуубу тас өттүттэн обшивкалыахтара, ититэр ситими уларытыахтара, теплосчетчик уонна тепловой пушкалары туруоруохтара. Дьиэ тас өттүттэн аныгылыы уоттаах-күөстээх буоларынан уот ситимин тардыахтара.
Нэһилиэк баһылыга Иван Атласов салгыы кэпсиир: «3 сыл кулууппутун ремоннаабыппыт. Онно ис өттүнээҕи үлэ барбыта. Быйыл тас өттүн үлэтин дуогабарынан бу тэрилтэ оҥорор. Дизайна соҕуруулуу, уоттаах-күөстээх.
Салгыы оҕо саадын өрөмүөннүөхтэрэ. Дьиэ муостатын сылытар үлэ барыахтаах. Ититии ситимин 2 дьиэҕэ уларытыахтара: детсадка уонна кухняларыгар. Стеклопакет түннүктэри туруоруохтара. Истиэнэтин сылытар матырыйаалынан бүрүйэн, тас өттүттэн сайдинынан обшивкалыахтара.
Бу тэрилтэни кытта үлэлээбиппит хаһыс да сыла. Манна даҕатан эттэххэ, Уолбут, Сыаҥааннаах, Майыар оскуолаларын, спортивнай саалаларын хапытаалынай өрөмүөннэрин кинилэр оҥорбуттара.
Икки өттүгэр барыстаах дуогабардаахпыт: өрөмүөн түмүгүнэн энергияҕа кэмчилэммит үп бу тэрилтэҕэ бэриллэр, оттон биһиэхэ — өрөмүөннэммит кулууп, детсад».
Сусанна Никитина.