Сэтинньи 30 күнүгэр тэриллибит оройуон Сэбиэтин 8 сессиятыгар 10 депутат бэбиэскэҕэ киирбит үс боппуруоһу көрөн бигэргэттилэр.
Сессия сүрүн боппуруоһун — «Абый улууһа (оройуона)» муниципальнай оройуон 2025 сылга уонна кэлэр 2026-27 сылларга бүддьүөтүн туһунан» иһитиннэриини үп-экономика управлениетын салайааччы Марина Реброва оҥордо.
2025 сыллааҕы бүддьүөт сыыппараларын билиһиннэрдэххэ, дохуот 481 807,2 мөл. солк тэҥнэһэр, итинтэн өрөспүүбүлүкэ бүддьүөтүттэн 426 855,5 мөл. солк үп трансферт быһыытынан аһарыллыахтаах. Нолуоктан уонна нолуога суох дохуот киириитэ 54 951,7 солк. быһыллыбыт.
Оройуон Сэбиэтин депутаттара улуус кэлэр сыллааҕы бүддьүөтүн дохуоттаах чааһын, муниципальнай бырагыраамалар параметрдарын бастакы ааҕыыга бигэргэттилэр.
Депутаттар улуус социальнай-экономическай сайдыытыгар, араас общественнай тэрээһиннэргэ актыыбынай кыттыытын иһин, Ураһалаах, Белая Гора Бочуоттаах олохтооҕор Мария Христофоровна Слепцоваҕа «Абый улууһун Бочуоттаах олохтооҕо» ааты иҥэрэргэ быһаардылар.
Александра ЗАРОВНЯЕВА.