Арассыыйаҕа Аҕа дойдуну, Саха сиригэр Ийэ дойдуну көмүскээччи, Улуу Кыайыы 80 сылларыгар Ил Дархаммыт Айсен Сергеевич Николаев уурааҕынан ыытыллар «Кыайыы Знамята» эстафетата Абый оройуонугар үһүс күнүн салҕанар.
Бүгүн Улуу Кыайыы Знамятын Ураһалаах нэһилиэгин олохтоохторо көрүстүлэр. Юнармеецтар кыттыылаах церемонияҕа улуус баһылыга Владимир Новиков Знамяны нэһилиэк баһылыгар Майя Шкулеваҕа туттарда. Знамяны буранынан бөһүөлэккэ илдьэн, Кыайыы болуоссатыгар үөрүүлээх быһыыга-майгыга нэһилиэнньэ көрүстэ. Дириҥ историческай суолталаах, ытык өйдөбүллээх миитиҥҥэ сэрии оҕото Мария Христофоровна Слепцова эҕэрдэтин тириэртэ.
«Кыайыы Знамята» эстафета кыттыылаахтара Аҕа дойду Улуу сэриитин кыттыылааҕа Николай Стручков памятнигар Кыайыы Знамятын кытта уопсай хаартыскаҕа түстүлэр.
Үөрүүлээх күн тыыл бэтэрээнигэр Семенов Иннокентий Николаевичка Кыайыы 80 сылынан үбүлүөйдээх мэтээли дьиэтигэр тиийэн баһылыктар туттардылар. Салгыы Знамя Белай Гораҕа айаннаата