Ураһалаах нэһилиэгин сынньалаҥҥа олорор пенсионердара СВО-ҕа сылдьар уолаттарга маскировочнай сеткалары баайаллар. Бу тэрээһини нэһилиэк дьахталларын сэбиэтэ көҕүлээбит. Бэрэссэдээтэл Александра Заровняева, солбуйааччы Галина Белоус.
Бөлөх актыыбынай чилиэнэ Елизавета Афанасьевна Стручкова кэпсиир: «10-ча үлэлээбэт пенсионердар түмсэн үлэлиибит. Женсовет кыргыттара тэрийэн, үөрэтэн, үлэбитин салйаллар. Биһиэхэ 80 саастаах эбээлэр кытта кыттыһаллар – холобур Валентина Николаевна. Биэс сетканы баайан бүтэрдибит. Түөрдэ 2,5 х 2,5 м.; 3 х 3 м. иэннээхтэр уонна 6 х 3 м. техниканы бүрүйэр улахан. Билигин алтыс сеткабытын баайа сылдьабыт. Хас биирдии сеткабытын уолаттарбыт доруобай, тыыннаах, кыайыы көтөллөөх эргийэн кэлэллэригэр харысхал буоллун диэн алгыы-алгыы оҥоробут». Эбээлэр үлэ чааһынан график оҥостон баайаллар. Кинилэргэ балыыһа коллектива көмө буолар. Матырыйаалларын бастаан 20 м. нэһилиэнньэ хомуйбут үбүнэн Дьокуускайтан баһыылканан ыыттарбыттар. Эбии өссө 40 м. Алена Белоус ылан ыыппыт. Александр Юрьевич Гурьев, Анна Сергеевна Бережнова, Иосиф Романович Шкулев спонсордаабыттар.
Сутуруохаттан анал байыаннай дьайыыга Николай Константинович Слепцов, Михаил Егорович Горохов, Ураһалаах орто оскуолатын физкультураҕа учуутала Гаврил Константинович Лебедев ыҥырыллан барбыттара. Дмитрий Сергеевич Степанов сулууспалыыр. Нэһилиэнньэ уолаттарга куруук көмөлөһөр.
Сусанна Никитина.
#СВО #СвоихНеБросаем