Бүгүн, ахсынньы 21 күнүгэр, Абый ыччаттара, араас үөрэх кыһаларын устудьуоннара муниципальнай тэриллии баһылыга Владимир Новиковы уонна Ил Түмэн дьокутаата Гаврил Алексеевы кытта 2 нүөмэрдээх Дьокуускайдааҕы оҕо ускуустубатын оскуолатыгар үөрүүлээх быһыыга — майгыга көрүстүлэр.
Көрсүһүү дьылабыай халыыбынан ааста. Норуот дьокутаата Гаврил Николаевич ыытыллыбыт үлэ түмүктэрин, ситиһиилэрин, саҥа сыаллары ирэ-хоро кэпсээтэ, ыччаттар боппуруостарыгар хоруйдаата.
2022 сылтан Абый устудьуоннарын көрсүһүүтэ үтүө үгэскэ кубулуйбут. «Тэрээһин сүрүн сыалынан төрөөбүт дойдуга бэриниилээх буолуу санаатын үөскэтии, көхтөөх буолууга, үлэҕэ көҕүлээһин, кынаттааһын буолар», — диэн эттэ Абый улууһун култууратын управлениетын начальнига Айталина Унарова.
Иннокентий Черемкин, Анатолий Горохов ылбаҕай ырыаларынан көрсүһүүнү киэргэттилэр.
Владимир Вадимович араас хайысхаҕа: успуорка, уопсастыбаннай олоххо, култуураҕа көхтөөхтөрүн иһин араас министиэристибэлэртэн Махтал суруктары туттартаата.
Салгыы устудьуоннар остуол хотойорунан бэлэмнэммит ас амтаннааҕын амсайдылар.
Эльдар Садовников, Дьокуускай.