Улууска от ыйыттан «От үлэтэ-2024» диэн хампаанньа саҕаламмыта. Бары нэһилиэктэри, чааһынай тэрилтэлэри хабан туран, былаан быһыытынан барыта 1764 тонна от бэлэмнэниэхтээх.
Бу күннэргэ Абый нэһилиэгэр 401 гаалаах ходуһа охсулунна, 296 тонна от кэбиһилиннэ. Муҥурдаахха 51 га сир охсуллан, 27 тонна от бэлэмнэннэ. Майыарга 30 гаа сир охсулунна, онтон 26 тонна от ылыллынна. Уолбуттар 10 гаа сиргэ оттоотулар. Онон улууска билиҥҥи туруганан 349 тонна от кэбиһилиннэ. От үлэтигэр 54 тыраахтар, 85 звено (ол иһигэр 15 механизированнай, 32 механизированнай аҥардаах, 9 ат көлө-илии звенота уонна 29 илиинэн эрэ үлэлиир звенолар), барыта 231 киһи от үлэтигэр кыттар диэн тыа хаһаайыстыбатын салаата биллэрэр.
Марина Слепцова, улуустааҕы тыа хаһаайыстыбатын управлениетын специалиһа.