Абый нэһилиэгэр Олохтоох көҕүлээһини өйүүр бырагыраама чэрчитинэн уопсайа 7 бырайыак олоххо киирдэ.
Бэлиэтээн эттэххэ, тустаах тосхол өрөспүүбүлүкэҕэ 2017 сылтан үлэлиир, онтон ыла улууспут нэһилиэктэрэ көхтөөх кыттыыны ылаллар, нэһилиэнньэлэрэ олорор түөлбэлэрэ тупсарыгар, сайдарыгар бары күүстэрин түмэллэр.
Ол курдук, бу сыллар усталарыгар Абый нэһилиэгин олохтоохторо, таҥара дьиэтин өрөмүөнүн, бетоннай тротуары, МТЗ тракторы, уулуссаҕа турар спортивнай тренажердары, Оттоох Атахха оҕо площадкатын уонна «Билайн» суотабай сибээһин туруорсаннар, бырайыакка киллэттэрдилэр.
Бу күннэргэ Абыйга Олохтоох көҕүлээһини өйүүр бырагыраамманан ыраас ууну оҥорор станция үлэҕэ киирдэ.
Александра ЗАРОВНЯЕВА.