Ый анараа Саха Республикатын Ил Дарханын Пресс-сулууспата иһитиннэрбитинэн, Биир ньыгыр Россия Ил Түмэҥҥэ уонна Дьокуускай гордуматыгар бэйэтин кандидаттарын саҥардар баҕалаах. Барыллаан куоластааһын түмүгүнэн Биир ньыгыллар буолаары турар быыбардарга бэйэлэрин кандидаттарын үс гыммыттан ордугун уларытар санаалаахтар диэн суруналыыстарга Айсен Николаев эппитэ. Ол курдук, Ил Түмэҥҥэ барыллаан куоластааһыҥҥа кыайбыт одномандатиниктар уонна региональнай группаларга испииһэккэ бастакынан сылдьааччы 70 киһиттэн 23 киһи билигин үлэлии сылдьар депутаттар буолаллар. Онон СР Судаарыстыбаннай Мунньаҕар (Ил Түмэҥҥэ) депутакка кандидаттар састааптара номнуо 70 бырыһыан саҥардылынна.
Оттон Дьокуускайдааҕы Гордумаҕа итинниккэ хабааннаах куоластааһын түмүгүнэн 30 кандидаттан 7 киһи үлэлии сылдьар депуттара. Онон кандидаттар састааптара 80 бырыһыан кэриҥэ уларыйда.
Маны сэргэ Биир ньыгыл Россиялар тэрийбит барыллаан куоластааһын түмүгүнэн улуустар баһылыктарын ортотугар 9 киһиттэн алтата үлэлии сыльар главалар, онон кандидаттар састааптара үс гыммыт биирэ уларыйар.
Айсен Николаев этэринэн, биир мандааттаах уокуруктарага кадидаттар номнуо билиннилэр. Барыллаан куоластааһыҥҥа ким кыайар да, ол киһи быыбарга партия аатыттан үлэлиэ, — диэн кини тоҕолоон эппитэ. Итинэн көрдөххо, Баһылык бэйэтин хамаандатын талан, сүүмэрдээн бүтэн эрэр диэххэ сөп.
От ыйын бастакы күннэригэр, 3 чыыһылаҕа, Айсен Николаев Саха сиринээҕи Киин быыбардыыр уокурукка бэйэтин кандидатуратын Ил Дархан дуоһунаһыгар регистрациялар докумуоннарын туттарбыта. СР Баһылыгар кандидатынан ЛДПР-тан Гаврил Парахин, Пенсионердар партияларыттан Владимир Тимофеев, Россия коммунистарыттан Игорь Борисов, Зеленайдар партиялара Александр Вакарь диэн киһини, Гражданскай платформаттан Юрий Пшенников, Родина партияттан ОлегМаклашов туруорулуннулар.
2018 сыллаахх А.С. Николаев болдьох иннинэ быыбарга 52 бырыөыан быыбардыы кэлбит быыбардааччылар 71,4 бырыһыан куоластарын ылан Саха Республикатын Главата буолбута.
Николай Петров