Бүгүн Норуот маастарын күнүн чэрчитинэн Белай Гораҕа үгэс курдук сылын аайы ыытыллар төрүт омук таҥастаах сэлэлээн хаамтылар. Тэрээһин Улуу Кыайыы 80 сылыгар, Аҕа дойдуну көмүкээччи сылыгар уонна Абый улууһа тэриллибитэ 95 сылыгар ананна.
Үөрүүлээх тэрээһиҥҥэ улуус баһылыга, култуура үлэһиттэрэ, бастыҥ маастардарбыт, иистэнньэҥнэрбит кытыннылар.
Сэлэлии хаамааччылар өбүгэ ытык үгэстэрин салҕыыр талааннаах дьоммут — «Айылгы» түмсүү оҥоһуктарын тутан хаамылар.
Оскуола оҕолоро сахалыы таҥас таҥнан кыттыбыттара улахан сэҥээриини ылла.
Сусанна Никитина