Абый нэһилиэгэр үгэскэ кубулуйбут «Байанай-2024» диэн түөлбэлэр икки ардыларыгар күрэх нэһилиэнньэни түмтэ.
Түөлбэ аайыттан үстүү киһилээх хамаанда кытынна. Бэйэни билиһиннэрии, тоҥ балыктан оригинальнай бүлүүдэ, сыал ытыы, бириэмэҕэ Калашников автоматы ыһыы-хомуйуу, маамыкта быраҕыы, «Тоҥ балык» түһүмэхтэргэ киирсии буолан ааста.
Түһүмэхтэр уопсай түмүктэринэн «Түмсүү» түөлбэ I миэстэ, «Элгэс» — II, «Уйгу» III буоллулар.
Маны таһынан саамай ыарахан ыйааһыннаах балык уонна көтөр булдугар биирдиилээн күрэх тэрилиннэ. Ыарахан ыйааһыннаах собо — Анна Чиркова (1 590 кг), сордоҥ — Саша Климовскай ( 9,920 кг), чыыр — Алемпий Дохунаев (4,374 кг), хаас — Абыйаана Слепцова (2, 612 кг), хабдьы — Сергей Черемкин (628 гр) кыайыылаах буоллулар.
Бу күн өр сылларга булчутунан таһаарыылаахтык үлэлээбит, ытыктабыллаах, киэн туттар дьоннорун ааттарын үйэтитэр сыалтан анал бириистэри кинилэр оҕолоро, сиэннэрэ, аймахтара үөрүүлээх быһыыга-майгыга туттардылар:
Черемкин Григорий Иванович – «Ленин суола» холкуос, «Абый» сопхуос удаарынньык, стахановец үлэһитэ, бастыҥ түүлээхситэ, үлэ, тыыл бэтэрээнэ аатынан анал бирииһи (Черемкин Г.И. ыччаттара туруорбут 10 000 солк.) элбэх оҕолоох эдэр ыал аҕата Григорий Никулин тутта.
Слепцов Андрей Прокопьевич – «Абый» сопхуос үлэһитэ, үлэ бэтэрээнэ, сэрии сылларын оҕото, сылгыһыт, түүлээхсит аатынан анал бирииһи (10 000 солк. аймахтарын аатыттан) Айсен Салаткиҥҥа туттарылынна.
Кулууп үлэһиттэрин көҕүлээһининэн сытыы киирсиилэрдээх, интэриэһинэй түһүмэхтэрдээх, олус көхтөөх тэрээһин ыытылынна.
Анна ЧИРКОВА.